Njohim artistët:

Leonard Canhasi filloi të luajë në gitarë në moshën 10-vjeçare, duke nisur edukimin e tij për gitarë klasike në shkollën e muzikës në Mitrovicë. Në moshën 16-vjeçare, ai u punësua si mësues i gitarës në të njëjtën shkollë, ku kontribuoi për disa vite me radhë.
Për më shumë se 19 vite, ai ishte i angazhuar si instrumentist aktiv në Big Band të Radio Televizionit të Kosovës.
Gjatë karrierës së tij, Leonard Canhasi ka qenë gitarist i disa grupeve të njohura muzikore në vend. Prej 14 vitesh, ai është gitarist i grupit rock Jericho, me të cilët ka performuar në festivale si Montreux Jazz Festival, Balkan Traffic Festival, Bogotá Theatre Festival në Kolumbi, etj.

Leonard Canhasi do të mbajë masterklasa ekskluzive në festivalin MEGA, duke ofruar një mundësi të mrekullueshme për të rinjtë që të përfitojnë nga një superyll i skenës sonë muzikore. Përvoja e tij e gjerë, talenti i jashtëzakonshëm dhe njohuritë e thella mbi muzikën do të frymëzojnë dhe ngrisin gitaristët e rinj, duke u dhënë atyre njohuri dhe aftësi unike që vetëm një artist me përvojë si Leonardi mund të ofrojë.